З мэтай пашырэння ведаў вучняў аб роднай краіне, выхавання любові да Беларусі, яе чароўнай прыроды, фарміравання жадання больш ведаць аб мінулым і сучасным сваёй Радзімы 1 лютага 2020 года навучэнцы пачатковых класаў ДУА “Муравільскі вучэбна-педагагічны комплекс яслі-сад-сярэдняя школа Касцюковіцкага раёна” прынялі ўдзел у гульні-падарожжы «Беларусь – мая Айчына».
Каб атрымаць магчымасць адправіцца ў падарожжа кожны жадаючы павінен быў набыць білет – перакласці на беларускую мову слова, прапанаванае кандуктарам. І вось усе месцы занятыя. У добры шлях! Цягнік «імчыць» па беларускіх прасторах, а пасажыры пазіраючы ў акно, любуюцца хараством роднай прыроды.
Удзельнікі мерапрыемства завочна пабывалі ў беларускай сталіцы, у Белавежскай пушчы, на народных святах, у імправізаваным тэатры.
Вясёлы цягнічок дапамог дзецям зрабіць цудоўнае падарожжа, зрабіўшы на сваім шляху прыпынкі, на якіх ўдзельнікаў чакалі гульні, казкі, загадкі, песні.