У першую нядзелю верасня ўся Беларусь адзначае цудоўнае свята – Дзень беларускага пісьменства. Гісторыя свята прыводзіць нас у 1994 год у старажытны горад Полацк. Штогод галоўны горад свята мяняецца. Традыцыйна гэта гарады – гістарычныя цэнтры культуры, навукі, літаратуры і кнігавыдання. У гэтым годзе свята прымае Рагачоў.
У нашай школе гэтай падзеі было прымеркавана мерапрыемства , якое праходзіла ў форме КВЗ “Любі, шануй, ведай роднае слова!”
У сустрэчы прымалі ўдзел 2 каманды “Слова” і “Сказ”. Удзельнікам былі прапанаваны розныя конкурсы “Канструяванне слоў”, “Словы- змейкі”, “Вам слова, юныя паэты!” і іншыя. Мерапрыемства садзейнічала абагульненню ведаў, дапамагала раскрыць творчы патэнцыял вучняў, садзейнічала выхаванню цікавасці да моўнага багацця і гісторыі беларускага народа.
3 верасня для вучняў пачатковых класаў было праведзена святочнае мерапрыемства “Мову матчыну шануйце”, прысвечанае Дню беларускага пісьменства. У час мерапрыемства вучні чыталі вершы пра беларускую мову, спаборнічалі ў састаўленні прыказак, інсцэніравалі вершаваную казку. Мерапрыемства садзейнічала выхаванню любві да роднай мовы.