26 лістапада 2020 года для навучэнцаў 8-11 класаў ДУА “Муравільскі вучэбна-педагагічны комплекс яслі-сад – сярэдняя школа Касцюковіцкага раёна” праведзена мерапрыемства ў межах інфармацыйна-адукацыйнага праекта ШАГ па тэме “Мы ў сучаснай медяпрасторы: павага, бяспека, дакладнасць”.
Вядучы, настаўнік гісторыі М. П. Асмалоўскі, на базе мультымедыйнай прэзентацыі пазнаёміў навучэнцаў з асноўнымі праблемамі медыябяспекі ў сучасным грамадстве.
Вучні 9 класа Карына Рэвусава і Ульяна Лебедзева распавялі прысутным пра галоўныя правілы бяспечных паводзін у сацыяльных сетках, а таксама пра метады супрацьдзеяння розным відам кіберзлачынстваў. Пасля азнаямлення з матэрыялам прэзентацыі разгарнулася дыскусія.
Тэмы цкавання ў сеціве і кібермахлярства падаліся вучням найбольш актуальнымі. У ходзе размовы вучні прапанавалі свае спосабы супрацьдзеяння такім злачынствам.
Важнасць бяспечных і паважлівых паводзін у медыяпрасторы напрыканцы гутаркі ўсвядомілі ўсе прысутныя.
Менавіта да такіх паводзін мы ўсе павінны імкнуцца.